It-tieni programm jehodna dawra mac-Cili. Dan hu pajjiz twil aktar minn tlett elf mil u wiesgha biss mal-mit mil. Fit-tramuntana, insibu d-dezert tal-Atacama, art rikka bi fdalijiet tal-qedem u ram. Insibu ghegubijiet bhall-geysers ta` El Tatio fl-altipiano tal-muntanji Andes. Fil-parti centrali, fejn tghix il-massa tac-Cileni, insibu bliet kbar bhal Santiago u l-port antik u favoluz ta` Valparaiso. Hdejh, ix-xena tinbidel meta wiehed izur ir-resort famuz turistika ta` Vina del Mar.

L-isfel, madwar titjira ta` saghtejn, nidhlu f`zoni kbar li jixbhu hafna lill-Izvizzera. Hawnhekk insibu ghadajjar u muntanji spettakolari bhal vulkan Osorno, xmajjar u kaskati bhal dawk ta` Petrohue. Bliet abitati minn Germanizi bhal Puerto Montt u Puerto Varas joffru ghazla vasta ta` frott tal-bahar. In-naha t`isfel tac-Cili tibqa` niezla lejn l-Antarctica. Il-Patagonja hija maghrufa ghall-industrija tan-naghag li jfornuna bi kwantita` impressjonanti ta` suf. Insibu wkoll parks nazzjonali kbar bhat-Torres del Paines, li fihom it-turist jista` jara mill-qrib il-glaciers, ix-xmajjar tas-silg li minnhom jinqatghu l-icebergs. F`dawn ir-regjuni mbieghda, jinsab il-fliegu ta` Magellan u Tierra del Fuego, postijiet li huma kwazi leggendarji. Ma` jonqsux l-annimali, fosthom il-llamas, il-kugini taghhom il-vicunas, pengwini u bosta annimali u tajr li jghixu biss f`dawn in-nahat t`isfel tad-dinja.