Ghal hafna nies, meta il-kliem jaqa` fuq l-Amerika, f`malajr jigu f`mohhom bliet kbar bhal New York u San Francisco. Pero`, l-Amerika vera hija dik interna, regjuni kbar hafna li ta` spiss jigu maqbuza u minsija mit-turisti.

Arkansas hu wiehed minn dawn l-istati, maghruf ghan-natura mhix mittiefsa. Arkansas hu moghni b`foresti kbar, ghadajjar u xmajjar.

Bill Clinton kien gvernatur ta` dan l-istat qabel ma` lahaq president ta` l-Istati Uniti. Il-belt kapitali hi Little Rock filwaqt li belt ohra li hi popolari ferm mat-turisti hija Hot Springs. Din ta` l-ahhar hi maghrufa ghan-nixxieghat ta` ilma shun meqjus bhala tajjeb ghas-sahha.

Fir-rahal zghir ta` Amity, insibu zewg Ghawdxin, it-tewmin Mike u Maurice Cauchi li servew fil-gwerer tal-Korea u tal-Vietnam. Permezz ta` intervisti, huma jirrakkuntaw l-istorja ta` hajjithom: kif minn gewwa Ghawdex spiccaw fl-Istati Uniti u precizament gewwa Amity, post imdawwar b`sigar kbar fejn l-industrija ta` qtiegh ta` sigar hija wahda ewlenija.