Il-belt ta` Orlando fl-istat ta` Florida llum hija sinonima ma` divertiment u rilassament mill-aqwa. Dan ghaliex, f`din il-belt u fl-inhawi taghha, insibu theme parks u postijiet ohra li joffru divertiment mill-aqwa. Jispikkaw dawk ta` Walt Disney - Pleasure Island, Epcot, Magic Kingdom u MGM.

Anke f`Orlando, il-kru ltaqa` ma` residenti Maltin li kollha ghenu fil-produzzjoni tal-programm. Fost dawn, John u Nadia Gauci Borda, jghixu ftit il-boghod mic-centri ta` divertiment ta` Orlando.

Orlando u l-inhawi tal-qrib huma mibghuda bi hwienet u ristoranti. Casa Catalina, f`Dundee, hi ta` proprjetarju Malti - Abraham Scifo.

Orlando hija belt li bil-lejl bhal issir isbah minn bi nhar. Dwal, riflessjonijiet, hajja u divertiment. Fl-1974, stazzjon tal-ferrovija, Church Street Station, gie mibdul ghal post ta` l-ikel, xiri u xalar.

Illum hu msemmi ghal kanzunetta Sweet Rosie O`Grady.

Din il-parti ta` l-Amerika hi sabiha hafna u t-temp hu wiehed idejali. Fost il-pensjonanti li jigu joqghodu hawn, hemm ukoll Maltin fosthom Walter Cortis. Dan peress li zgur li ma` hemmx biza li ser tiddejjaq f`Orlando, belt ewlenija ta` btala kemm ghaz-zghar kif ukoll ghall-kbar.